影片
更多
2023-11-26
120 浏览
📍虾虾烧 🔍佐敦白加士街10-24号永富大厦1楼-----好耐都冇带爹哋妈咪出去食好西，本身谂住带佢哋食新嘢，点知佢哋指定要encore呢间虾虾烧。.七点左右嚟到唔算好多人，之后大概7:30打后，人气就开始火旺起嚟，成个场热热闹闹，成个气氛即刻嚟晒，令人食欲大开。.经过对上一次嘅练习，爹哋已经成为咗夹虾小能手，一分钟2只虾绝无难度。隔离水缸啲虾夹到7788仲可以叫佢哋refill，所以由头食到落尾keep住都好多虾。虾肉食落鲜甜弹牙，虾膏都几澎湃。如果唔想等太耐嘅话，出面嘅熟醉虾亦系唔错嘅选择，不过鲜味当然系活虾更上一层楼。.除咗虾之外，亦有两款唔同嘅鲜鱼、大蚬、新鲜鲍鱼、扇贝、生蚝及带子等等，亦系场内嘅热门之选，当中个人尤其喜爱饱满嫩滑嘅烧生蚝。每位客人送一客嘅烧鳝更细鱼骨细腻，鱼脂丰腴，真心正，不过就得一旧，要好好享受。调味方面，葱、蒜蓉、牛油、辣椒等等嘅基本野就一定齐，枱面另外仲有我好钟意嘅孜然粉等，可以比客人换下唔同口味，唔会食到闷。.除咗海鲜之外，猪牛鸡等等嘅肉类都应有尽有，经典嘅烧鸡翼调味到位，仲有惹味嘅猪大肠、脆卜卜嘅鸡软骨都系我嘅飞佛。.食完海鲜同肉之后，我哋就开始食蔬
🔍佐敦白加士街10-24号永富大厦1楼
-----
好耐都冇带爹哋妈咪出去食好西，本身谂住带佢哋食新嘢，点知佢哋指定要encore呢间虾虾烧。
.
七点左右嚟到唔算好多人，之后大概7:30打后，人气就开始火旺起嚟，成个场热热闹闹，成个气氛即刻嚟晒，令人食欲大开。
.
经过对上一次嘅练习，爹哋已经成为咗夹虾小能手，一分钟2只虾绝无难度。隔离水缸啲虾夹到7788仲可以叫佢哋refill，所以由头食到落尾keep住都好多虾。虾肉食落鲜甜弹牙，虾膏都几澎湃。如果唔想等太耐嘅话，出面嘅熟醉虾亦系唔错嘅选择，不过鲜味当然系活虾更上一层楼。
.
除咗虾之外，亦有两款唔同嘅鲜鱼、大蚬、新鲜鲍鱼、扇贝、生蚝及带子等等，亦系场内嘅热门之选，当中个人尤其喜爱饱满嫩滑嘅烧生蚝。每位客人送一客嘅烧鳝更细鱼骨细腻，鱼脂丰腴，真心正，不过就得一旧，要好好享受。调味方面，葱、蒜蓉、牛油、辣椒等等嘅基本野就一定齐，枱面另外仲有我好钟意嘅孜然粉等，可以比客人换下唔同口味，唔会食到闷。
.
除咗海鲜之外，猪牛鸡等等嘅肉类都应有尽有，经典嘅烧鸡翼调味到位，仲有惹味嘅猪大肠、脆卜卜嘅鸡软骨都系我嘅飞佛。
.
食完海鲜同肉之后，我哋就开始食蔬菜同淀粉类😁，虽然唔系回本野，但实在系忍唔到口，皆因清脆爽甜又多汁嘅翠玉瓜同粉绵香甜嘅日本小番薯真心令人停唔到口。仲有烧完之后外脆内软嘅格仔饼，都系令我爱不释手嘅平价食材😂。
.
💰人均价钱$348（星期一至四-另收加一）
“如果星期五六日及公众假期前夕，就要另外加多$30”
张贴
