影片
更多
2019-11-08
1682 浏览
预早一星期咁上下已经订咗枱，餐厅位置近尖沙咀警署，都容易揾到。订咗6；45，家人当日6:30前就到咗，收到餐厅表示快啲点餐因为食物材料有限。所以佢哋就先order咗Seafood Gallery，里面有牡丹虾两只、生蚝四只、鲜带子四只、马刀贝四只、鲍鱼2只、青口同翡翠螺。牡丹虾🦐鲜甜，头部多膏甘香。生蚝细细只，服务人员冇特别介绍系咩蚝，食落清甜蚝味同海水味淡。其他不过不失！晚餐分别叫咗烧澳洲羊架伴香草乳酪！7成熟火喉啱啱好，肉质香嫩，羊肉味唔重，适合怕太膻嘅朋友。烤美国肉眼扒伴炒野菌，牛扒好薄，点嘅时候叫medium rare，但系出到嚟比较熟，牛肉质地都香软，牛味唔突出，配菜有啲新著、车厘茄同杂菌。伊比利亚黑毛猪柳伴华道夫沙律，呢味系全晚同全枱人都赞不绝口，香嫩嘅猪柳有啲甘香肥膏，一口咬落汁多肉香，真系齿颊留香。配菜一大条甘笋，重有啲干果同nuts。跟晚餐头盆分别叫咗生蚝，同seafood gallery嘅生蚝系同款。烤北海道帆立贝伴椰香芒果沙律，带子经煎过都好清甜，芒果卷望落去似吉列炸过咁，但系食落系完全冇炸过，而系用椰丝做面嘅全芒果肉，食落惊喜。帕尔玛火腿西班牙辣肉肠配罗马甜瓜拼
订咗6；45，家人当日6:30前就到咗，收到餐厅表示快啲点餐因为食物材料有限。所以佢哋就先order咗Seafood Gallery，里面有牡丹虾两只、生蚝四只、鲜带子四只、马刀贝四只、鲍鱼2只、青口同翡翠螺。牡丹虾🦐鲜甜，头部多膏甘香。生蚝细细只，服务人员冇特别介绍系咩蚝，食落清甜蚝味同海水味淡。其他不过不失！
晚餐分别叫咗烧澳洲羊架伴香草乳酪！7成熟火喉啱啱好，肉质香嫩，羊肉味唔重，适合怕太膻嘅朋友。
烤美国肉眼扒伴炒野菌，牛扒好薄，点嘅时候叫medium rare，但系出到嚟比较熟，牛肉质地都香软，牛味唔突出，配菜有啲新著、车厘茄同杂菌。
伊比利亚黑毛猪柳伴华道夫沙律，呢味系全晚同全枱人都赞不绝口，香嫩嘅猪柳有啲甘香肥膏，一口咬落汁多肉香，真系齿颊留香。配菜一大条甘笋，重有啲干果同nuts。
跟晚餐头盆分别叫咗生蚝，同seafood gallery嘅生蚝系同款。烤北海道帆立贝伴椰香芒果沙律，带子经煎过都好清甜，芒果卷望落去似吉列炸过咁，但系食落系完全冇炸过，而系用椰丝做面嘅全芒果肉，食落惊喜。帕尔玛火腿西班牙辣肉肠配罗马甜瓜拼盆，个名好厉害，其实系火腿、沙乐美肠加哈密瓜，咸香适中。
餐汤系南瓜汤，系全南瓜肉煮成，唔太接受南瓜嘅我都会饮。（因为我哋6个人，叫咗3个晚餐，餐厅服务员姐姐好体贴咁分咗6碗俾我哋）
另外都叫咗三款热食，一款慢煮牛颊肉伴酸椰菜，牛肉味同个酱汁都好浓，牛肉香软淋，虽然系浓味汁酱但都冇盖过肉味，大赞。配菜系一贯食咸猪手𠮶啲酸椰菜，食多咗肉类开开胃。
另一款香辣烤八爪鱼，大量新薯粒配上有烤味，少少淋加少少烟靱嘅八爪鱼粒，送酒良物。
西班牙乳猪，皮略嫌唔够脆，肉厚鲜嫩多汁，肥瘦适中！仲有新鲜香灯同西柚果肉片垫底。绝配👍🏻
最后甜品叫咗2个心太软、Tiramisu 同一个柚子雪葩。
朱古力心太软皮香香软软，里面朱古力浆一切就流出嚟，比较甜，仲甜过个朱古力雪糕球。
柚子雪葩3个球，食落清香柚子味重，唔太甜，赞。
Tiramisu 就普普通通，胜在唔太甜。
本来晚餐想叫烧春鸡，点之食材有限，俾其他客人点咗，售罄。
整体餐厅坐得舒适，服务都几贴心，食物质素都算中上。值得encore。
张贴
