香港仔茶餐廳 (已結業)

约左班friends 食饭，大家落湾仔修顿附近，有间地道打冷正野，就系香港仔茶餐厅，小菜够晒大排档风味，功夫潮州打冷，亦胜在可以开怀大声讲大声笑。我一坐定就要嚟杯红豆冰，事关系全香港最好饮嘅，红豆软棉棉，近乎红豆蓉姿态被香浓奶味装入得天衣无缝。朋友好醒叫定条冻乌头，同卤水鹅拼盘条乌头全条用盐巴烤，鱼肉又香又咸咸地配埋酱汁，好味卤水鹅肉大大块，皮下脂肪刚好，一点唔油，鹅肉仲女松软入口。超爽脆美味潮州卤味拼盘，有大墨鱼🦑、红肠仲有甜酸菜系底。卤味太好味，再来卤猪耳、卤腩肉拼鹅肠，猪耳爽脆大块，食到无停口。大大块腩肉肥瘦分明，再蘸秘制白酸醋，味道一流。一级香口推介，椒盐鱿鱼拼椒盐白饭鱼，爽脆唔油腻，唔咸够香，鱿鱼够烟勒、白饭鱼松软。豉椒炒蚬，啲蚬肉大大只又够大碟个汁一级好味。配上老火无味精冬瓜猪骨汤，地道美味。