霸王山莊 (已結業)

霸王山庄我是一个极极极爱吃小笼包的人，爱到一个程度，系可以自己不停食几笼...今次黎到霸王山庄，一心想食片皮鸭，见到有小笼bell就唔差在叫埋！霸王小笼包（$36）小笼包一客四件，皮系非常非常簿薄，四件有两件一夹就穿，佢一穿，我个心就好似俾刀插左十刀咁，即刻颓哂！不过，唔穿都唔知，原来里面有咁多汤，仲要好浓好香，猪肉馅鲜味十足，又够嫩滑松软，真系好好食！如果个皮可以又薄又唔易穿，就真系perfect池！花雕醉鸡（$85）通常上海餐厅的醉鸡份量都好少，但今次算多，食极都仲有，仲要无骨，啖啖肉，好满足！一试之下，花雕味好浓，醉鸡好滑，皮够爽脆肉够嫩，每一啖都好重酒味！难怪佢系店内招牌菜！片皮鸭（$198半只）等左半个钟，片皮鸭终于上枱，配上青瓜、京葱、甜酱同薄饼。薄饼热辣辣，够烟韧唔易穿，每块薄饼皮之间都有张纸隔住，既卫生又方便，系贴心位！片皮鸭就皮脆香嫩，肯定系一只肥美的鸭，加埋啲配料包住一齐食，真系几正，鸭油同京葱的鲜味系口腔徘徊，加上爽脆的青瓜同甜酱，哇！不过都几腻，食左5-6片已经唔得掂，多啲人食会好啲。