京香閣 (已結業)

中国有八大菜系，而我最钟意既唔系粤菜，而系京川沪菜！特别系小笼包、肴肉、口水鸡、片皮鸭等等。最近就发现左上环【京香阁】有晚市片皮鸭放题自助餐，二话不说就走去试左！佢有两种价钱选择，龙虾$268、虎虾$228, 额外送一份虫草鸡汤。除左前面3样，其他前菜、小菜、点心、粉面小炒、片皮鸭、甜品、饮品都系任饮任食！片皮鸭同饮品都系自助形式、其他就要点，而且都系即叫即整！片皮鸭会现场片，而且会源源不绝禁供应！皮烧地超脆，但唔油、肉都好juicy好鲜嫩！个么么皮超级薄、除左葱同青瓜之外、仲有哈密瓜夹，非常特别！其他食物都好高quality，尤其手撕麻酱鸡面、点心等等，一D都唔马虎！不过辣野都偏辣，我本身食辣都觉得有D辣！龙虾、虎虾都可以选择自己钟意既煮法，龙虾就选择左芝士、虎虾就烧汁。肉质非常弹牙、鲜嫩爽甜！甜品都非常不错！强烈推荐雷沙汤圆！