老川皇

营业中

休息中

牌面过于霸气！系，我讲嘅系佢高挂门上嘅招牌！就系呢个招牌，今晚就试佢！场内布置简单，座位唔多，晚市8点左右坐有8成满人～但，落单个阿姐落单落到好急咁，态度一般⋯两个人，叫左三个𩠌！差唔多喇！经验所得⋯应该都食唔晒！因为川菜每碟嘅份量的确不会少！虽然好想叫多几款试，但''大徙鬼''阻止左我！先嚟第一道「口水鸡」例牌，鸡肉算嫩滑，酱汁色浓，略嫌太油！川菜本身油我清楚，嫌太油只系想表达酱汁密度唔够浓同稠，鸡肉挂汁能力低，唔够麻唔够香，味道一般！但可以再试之选。第二道「炒四季豆」，好简单嘅一道菜，几乎去任何一间川菜管都可以食到！但⋯呢获切底地输了！味道超怪⋯愈想试出有乜怪⋯可惜味道只有怪⋯更怪！系豆本身太熟累事？油炸得唔够火喉？豆已变坏？⋯太多因素，不能定夺⋯总之系难食非常！！只限今批吧？第三道「酸菜鱼」，汤底只有酸，欠缺香！味觉层次感太低！鱼肉可以，算新鲜！但!刀功问题？起鱼起得唔够靓，太多骨！而且骨太碎⋯唔系咁识食鱼嘅朋友要注意喇！我系爱鱼之人，但亦被难倒。可乐一罐15蚊⋯太贵了吧？食水有点深吧！虽然餐牌仲有好多款未试过，但回头机会好低！没有惊喜，普通之列，所以招牌的霸气比实际是太过了。