影片
更多
2020-09-27
2938 浏览
三年多前到访过新派越南餐厅「Fuhn」，当时嘅印象都几唔错，𠮶阵时主要都喺卖越式汤粉，所以，餐厅名字先叫「Fuhn」。但时隔数年，今次再访，因为知道佢哋变化咗好多，食物嘅选择就唔再得汤粉。先讲讲环境，一出电梯就喺餐厅，喺好多食厦嘅门面设定，一到步量体温、搓手喺，喺新常态嘅指定动作。环境装修简洁明净，以四人枱为主，我哋一行4人，被安排坐晌最尾一角，喺最幽静嘅位置。上文都讲咗比前多咗食物拣，就睇睇有咩选择，可谓种类繁多，除咗汤粉，就仲有多款特色越南小食、沙律、越式法包、热盘、蔬菜、甜点……等等。饮品方面，亦都喺选择多咗，除汽水、沙冰、奶昔之外，仲有多款特饮及鸡尾酒。而我哋今次主要喺试试佢哋嘅4人套餐，分A、B、C、D款，基本会包火车牛锅粉（XXXL特式牛汤粉，焗牛筒骨，烧牛仔骨）、越式炒通菜、4杯指定饮品，再配搭一组小食拼盘+米纸卷，每款套餐定价$888 + 10%。套餐嘅指定饮品亦可以转餐牌嘅其他饮品，以半价计。除咗枱旁嘅基本调味酱料之外，甫坐低就会送上配料及香草，配料喺啲银芽、青柠、辣椒俾客人稍作调味，喺食汤粉必备。香茅柠檬茶（套餐指定）香茅嘅味道喺点，老友都知，柠檬茶更喺饮唔少，但混
先讲讲环境，一出电梯就喺餐厅，喺好多食厦嘅门面设定，一到步量体温、搓手喺，喺新常态嘅指定动作。环境装修简洁明净，以四人枱为主，我哋一行4人，被安排坐晌最尾一角，喺最幽静嘅位置。
上文都讲咗比前多咗食物拣，就睇睇有咩选择，可谓种类繁多，除咗汤粉，就仲有多款特色越南小食、沙律、越式法包、热盘、蔬菜、甜点……等等。
饮品方面，亦都喺选择多咗，除汽水、沙冰、奶昔之外，仲有多款特饮及鸡尾酒。
而我哋今次主要喺试试佢哋嘅4人套餐，分A、B、C、D款，基本会包火车牛锅粉（XXXL特式牛汤粉，焗牛筒骨，烧牛仔骨）、越式炒通菜、4杯指定饮品，再配搭一组小食拼盘+米纸卷，每款套餐定价$888 + 10%。套餐嘅指定饮品亦可以转餐牌嘅其他饮品，以半价计。
除咗枱旁嘅基本调味酱料之外，甫坐低就会送上配料及香草，配料喺啲银芽、青柠、辣椒俾客人稍作调味，喺食汤粉必备。
香茅柠檬茶（套餐指定）香茅嘅味道喺点，老友都知，柠檬茶更喺饮唔少，但混入柠檬茶都喺第一次。友人话效果唔错㖞，唔会觉得怪，柠檬茶中渗出阵阵香茅嘅独特香味，甚有一种清幽感。
蝶豆花青柠梳打 +$19两位友人就不约而同拣呢一款，皆因贪佢靓靓哋，确实加咗蝶豆花落去，阵阵泛紫，真喺好靓，极有视觉效果，味道呢？都喺一杯青柠梳打，味道清爽。
蜂蜜蝶豆花柠檬茶 +$19小弟都喺拣碟豆花特饮，唔喺贪靓，喺贪其功效，我哋啲咁年纪，喺要提高吓免疫力，预防吓眼疾……等等。加咗蜂蜜，配柠檬茶，入口感觉有微微花香味。
四人特上小食拼盘我哋拣个D餐，先嚟个小食拼盘，餐牌上本身标示有4只蒜蓉牛油鸡翼、4件手打虾饼及8件春卷，但店员话今日做咗少少调整，转咗俾多款啲嘅小食，每样两件，等客人可以试多啲，都好㖞。而调整咗之后嘅小食有蒜蓉牛油鸡翼、炸扎肉、猪肉串、越式春卷、手打虾饼、椒盐软壳蟹，伴以越式沙律菜及3款酱汁，平常就会逐样评吓，今次就综合大家意见嚟讲讲。基本上，各款小食都好香口，却唔油腻，酱汁亦颇有特色，啲酸酸香香嘅沙律菜亦发挥出平衡嘅作用。
扎肉米纸卷米纸卷喺越南嘅特色小食，套餐当然有包括在内，米纸卷十分薄透晶莹，里面卷住好多扎肉、米粉、生菜、甘笋丝，紥得够实净，入口口感烟韧而清爽，净食嘅话，味道较清淡，但伴以独特带微辣嘅花生酱就好有画龙点晴之效。
香草焗牛筒骨跟住，喺大大条有霸气嘅牛筒骨登场，而牛筒骨烤得焦香，甚具睇头，伴以蒜蓉包佐食，将香草牛骨髓搽晌蒜蓉包，真喺惹味、香脆。唯一唔理解嘅喺，睇餐牌散点呢一款香草焗牛筒骨喺跟6件蒜蓉包，而套餐嘅就跟得3件蒜蓉包，但呢个喺4人套餐啊！
香草焗牛筒骨
12 浏览
0 赞好
0 留言
越式香茅牛仔骨继续牛牛狂热，香茅猪扒食得多，香茅牛仔骨就第一次试，啲牛仔骨烧得甘香，上枱时已多多少少闻到阵阵香茅味。咬落啲牛仔骨肉质都算腍，而香茅味更突出到肉香，唔错！唔错！
火车牛锅粉餐厅本身有供应一款一人份嘅「火车牛魔粉」，即喺一次过包咗6款牛食材：安格斯牛、牛坑腩、手打牛丸、牛筋片，牛腩边同牛栢叶，而眼前我哋呢个「火车牛“锅”粉」，即喺加倍咗嘅4人份，个碗如同一个大锅，仲即场倒入牛骨汤，份量超十足，够晒有气势。
先试一口汤底，够浓郁，但唔会好似日式猪骨汤咁浆口，可以讲喺浓而不浊，而金边粉非常滑溜，前前后后每人都可以分到成3-4碗，食到我哋捧住肚走；至于啲食材，绝无欺场，一样交足货，安格斯牛好嫩滑，牛坑腩软腍，带少少油脂有份膻香，手打牛丸入口十分弹牙，牛筋片个人就稍嫌切得太薄，无咗牛筋𠮶份口感，牛腩边够晒肉香，牛栢叶则好爽口。
越式炒通菜
食咁多肉，最后来一道简简单单而惹味越式炒通菜，虽然简单咋，但炒得够镬气，通菜爽身得嚟有清甜嘅菜味。
话就话喺4人餐，但老实讲，5-6个人都够食，而整体食物嘅质素好唔错，份量又够晒足，用料不赖、足秤，招呼不俗。如果，套餐有埋甜品作结，咁就完美喇！
张贴
