牛一 (屯門市廣場1期) (已結業)

今日同老公仔去屯门睇"玩转脑朋友", 上openrice 睇吓附近有乜好嘢食, 见到牛一好多好评, 仲话walk in 要排成2个钟咁夸张。  打电话去book 位, 佢哋话booking full 晒, 要walk in 等位, 睇完戏6点左右走去睇吓见到仲未系好多人, 一于排吓, 不过都等咗超过半个钟先至入得。 入场前已经要拣食边种价钱既放题同埋边款汤底, 我哋拣咗$168/位既极上美国牛肉、豚肉, 汤底拣咗季节限定既鲣鱼札幌味噌汤。  坐底一阵就已经送咗个汤底同一碟牛、一碟羊黎, 好快手。啲牛同猪肉既油花分布都好均匀, 卖相唔错, 食落竟然觉得啲豚肉同牛肉既味道差唔多我哋 encore 完又 encore, 2 个人一共食咗2碟豚肉、4碟牛肉, 仲有啲丸、金菇、娃娃菜, 样样都好新鲜, 不过如果有啲鱼食吓就仲正。  净系食火锅都食到饱晒, 唔记得留肚食yogurt 。  虽然得90分钟, 不过因为每次落单啲肉都好快到, 系够晒时间食, 不过就有少少赶, 如果可以有2个钟就好 lu。