好願璟美食坊

营业中

休息中

咁啱经过九龙湾附近揾晚餐嘅时候就留意到依间大排档，听人讲原来系以前牛下嘅大排档嚟㗎，佢哋搬咗新舖搬咗落去九龙湾嘅商贸区，其实附近都好少人经过，如果唔系特登行过去都好难揾，尤其是个门口好噏耷好唔明显，如果唔喺度望清楚，真系完全Miss咗啊😂。嗌咗少少嘢share食，芝麻鸡5/5其实必食，啲芝麻黐咗喺鸡皮上边，然后再即刻炸，所以真系好香脆好香口好香芝麻味加上嫩滑嘅鸡腿肉🍗，当然鸡胸会嚡少少啦。卖相都好靓，虽然比较油腻少少，但系送碗饭都几好食。油盐水大蚬 4/5本身谂住食花甲既，但转做蚬其实味道都唔差，个底有啲娃娃菜粉丝，都冇乜沙洗得几干净。姜柠蒸鳝 3/5都几特别，同一般嘅豉汁当然多咗一种柠蜜味，但系鳝比较细旧，超薄好似例牌嘅size，所以其实冇乜肉得嚟唔够肥美😂。