Metal Steak (已結業)

前几日难得公众假期，去左澳门一日游，返嚟𠮶阵时夜晚十点钟，上环落船，除左翠华，究竟我仲可以食乜好呀？！临落船，立即上openrice揾下食乜先！竟然畀我揾到呢间新开既扒房！落左船我地就一支箭冲去揾路啦！唔洗10分钟巳经去到歌赋街，经过好出名既九记牛腩，差唔多街尾，就见到红色招牌既metal steak!好肚饿呀！！入到去先order后畀钱，然后揾位座，大致快餐店咁既形式。我最终个肚打晒鼓既情况底下，我叫左300g既安格斯肉眼，5成熟！仲加左个set$30,有沙律，杂菜汤，同饭！Oh my god!个饭上面竟然细心得有日式饭素！正呀！大约5分钟，个扒由服务员递上，哗哗哗！香味十足！香喷喷呀！枱面有好多酱料，自己选择，我最钟意系柚子味个款，冇盖左牛既肉面之余，好清新！300g算厚切吧！肉汁一流唷！可能烧既原故，肉汁锁得好好，值得一赞！成餐200蚊松d,交足功课！绝对超值！阿妈话齌，而家d牛好贵架！而家出街好贵架！😂😂哈哈！所以今次第一次写食评，想开心share畀大家！