一口和味 (已結業)

见食评唔错，于是特登走去食。可能太过贪心，叫咗个牛仔骨煎蛋饭加个炸雪糕不特止，仲整多个炸芝士年糕。牛仔骨饭个烧汁好好味，牛仔骨有成五六件咁多，味道唔错，肥咗少少，但可以接受。虽然饭就少d同埋唔够热，但大胃王都应该够饱。食食吓就嚟个炸芝士年糕，新鲜热辣咬咗啖，d芝士溶哂，外面又薄又脆，都算香，但芝士味唔算浓，亦咬唔到一条芝士出嚟噃...食咗一粒后再食饭，净番两粒后来再食时已经无咁热，外皮塌塌哋，亦都无乜芝士香lu。可能食到一半已经饱，开始觉得粒年糕有d「恶啃」，再嚟三粒炸雪糕时其实已经睇到都觉得「济」，不过为食精神亦趁佢新鲜上枱时食咗一粒，发现就系好鬼油腻... 个皮唔同芝士年糕，用咗面包糠包蛋糕炸，吸咗唔少油，里面粒雪米糍太少雪糕，所以除咗好漏ge皮(仲有层雪米糍皮!) 之外，基本上食唔到其他味，觉得唔多好食。不过，可能只系因为自己太饱，一路食其实都有几个客特登只叫炸雪糕食。最后，我都觉得间舖真系唔多环保，所有食具都即弃，我都知而家请人洗碗好难，但唔知系咪真系无空间改善呢?另外，牛仔骨无刀系食唔到ge... 尤其如果你想咬走d肥油...请问有无刀或者筷子啊?最后，间舖仔细细，得几个坐位