影片
更多
2023-08-01
289 浏览
华苑茶餐厅系我记忆中唔系太好，绝对同餐厅质素无关，而系上次嚟帮衬有对男女客人因为感情问题系卡位大大声巴巴嘈!第一次帮衬就遇上情侣炒大镬，难免会有阴影.事隔多时，今次因为就快打风，去华苑隔离超级巿场入货，又因为打风前D日子太翳焗，焗到可以热屎人! 入完货就冲入去华苑凉凉冷气，顺便食埋晚饭，就返屋企等打风放假!首先，我要求坐最劲冷气位，冷气又真系够凉㖞!睇睇份 Menu，最吸引系牛仔骨，其他餐厅嘅牛仔骨小菜做紧过百，华苑只系$85，必点啦!女友小熊点咗半只盐焗鸡，餐汤有中汤同西汤选择，中汤系木瓜汤，我地拣西汤，忌廉汤.茶档嘅西汤，大家都知道质素吧....盐焗鸡未至于一级棒，但绝对唔差，起码最难处理嘅鸡胸肉唔会鞋口，仍算juicy有肉汁，份量亦无偷工减料，中上出品.牛仔骨点黑椒牛仔骨，肉嫩无肉松粉味，份量同样无偷工，上枱速度快! 满意!不其然望翻当日果张情侣炒镬卡位，我同小熊你眼望我眼!"嗱! 我地唔好系到炒大镬呀!"小熊话"炒咪炒! 惊你呀!"结果..... 连个台风都惊咗小熊，走咗上福建....原来小熊比李氏力场更劲......
第一次帮衬就遇上情侣炒大镬，难免会有阴影.
事隔多时，今次因为就快打风，去华苑隔离超级巿场入货，又因为打风前D日子太翳焗，焗到可以热屎人! 入完货就冲入去华苑凉凉冷气，顺便食埋晚饭，就返屋企等打风放假!
首先，我要求坐最劲冷气位，冷气又真系够凉㖞!
睇睇份 Menu，最吸引系牛仔骨，其他餐厅嘅牛仔骨小菜做紧过百，华苑只系$85，必点啦!
女友小熊点咗半只盐焗鸡，餐汤有中汤同西汤选择，中汤系木瓜汤，我地拣西汤，忌廉汤.
茶档嘅西汤，大家都知道质素吧....
盐焗鸡未至于一级棒，但绝对唔差，起码最难处理嘅鸡胸肉唔会鞋口，仍算juicy有肉汁，份量亦无偷工减料，中上出品.
牛仔骨点黑椒牛仔骨，肉嫩无肉松粉味，份量同样无偷工，上枱速度快! 满意!
不其然望翻当日果张情侣炒镬卡位，我同小熊你眼望我眼!
"嗱! 我地唔好系到炒大镬呀!"
小熊话"炒咪炒! 惊你呀!"
结果..... 连个台风都惊咗小熊，走咗上福建....
原来小熊比李氏力场更劲......
9 浏览
0 赞好
0 留言
16 浏览
0 赞好
0 留言
15 浏览
0 赞好
0 留言
张贴
