616牛肉火鍋專門店

营业中

休息中

今日既然系纪念日, 就食我同 P san 自从疫情以来都未食过, 久违咗嘅打边炉啦! 我哋喱啲牛精, 当然拣咗 616 嚟食牛啦。Book 位时有提到想坐窗口位, 去到店家, 店员询问我哋想坐窗口位定坐出露台, 我哋拣咗露台, 比较开扬同通风。 等咗大约 5 分钟, 店员执好枱, 指定动作之后就由店员带领入座。  我哋点咗一个理想点 '鲜'汤底, 个汤用萝卜同牛腩淆制, 有清甜萝卜味, 而且有淡淡牛味 😋 正 👍🏻         616 嘅牛有好多不同部位拣, 但我哋实在食咗太多款, 每款都好有牛味, 而且有不同口感, 又新鲜, 牛精真系唔会失望。616 麦子店入面有几个大酒桶, 应该系装住自家制嘅手工啤, 我哋就点咗一个劲 ALE 葡提嚟试吓, 有好香嘅麦味, 唔算太苦, 但略嫌无佢介绍所讲嘅甜 lu。但食咗咁多热嘢, 饮返杯啤酒真系爽呀!  616 就系喱个纪念日嘅最后一站, 佢为我哋一日劲食行程画上一个完美嘅句号。