吞POT 雞煲火鍋.住家菜 (山林道) (已結業)

夜晚突然有急事要出尖沙咀，已经好累，唔想再慢慢揾位，想打边炉，临时见呢间有台远少少系山林道都照book。行紧过去，侍应已经打黎问我系咪会到，系就留返张台比我，我地两个即刻冲住上去冲到身水身汗，点知上到去原来仲有好多张吉台。其实一心想食辣鸡煲嘅，但老公最终拣左胡椒猪肚鸡煲。汤底算唔错，但味道可以再浓少少。鸡唔系想像中咁好味，唔多入味，亦有d 鞋，亦无照片见到其他人相入面嘅咁多。特级雪花牛肋片，$198 蚊，成餐之中嘅败笔：分量多或少呢样野唔讲喇，最紧要无牛味，真系唔值呢个价，同新星任食嘅味道差不多，只不过肉质无咁鞋。螺片新鲜嘅，四宝丸亦唔差，食得出系自家制手打唔系出面就咁入货果种。爆芝响铃亦都有惊喜，比普通响铃好食好多。但好坦白讲，打边炉牛肉真系好重要。呢间d 牛嘅质素真系令我无兴趣再去下一次。