牛大人台灣火鍋吃到飽 (形點 II)

营业中

休息中

天气转凉，最好就系打边炉，今次带埋美国🇺🇸回港探亲既哥哥及嫂嫂一行七人一齐去元朗Yoho Mall 形㸃II 食牛大人台湾火锅，我哋拣咗澳洲M5极上和牛餐，正价时段成人每位$328，有长者/ 小童优惠$228👍🏻。有10款汤底可选择，七个人可选择两款，拣咗阿嬷养生浓汤锅及牛大人红烧牛骨锅，我最喜欢食澳洲和牛M5牛肩卷，牛肉味浓郁又肉质软滑，安格斯特选牛小排肉味也不错，每人送两粒澳洲M9和牛牛丸，牛肉味好浓，正吖！ 海鲜有虾，脆肉鲩鱼，鲷鱼片，花胶，沙白，蟹子墨汁滑等等，全部都好新鲜。外面自助区域，有数款蔬菜可以任攞，例如堂奥、油麦菜、生菜、皇帝菜，亦都可以在Apps中选择台湾水莲，一样都系全部好新鲜。自助区域，亦都可以任攞多款自家制茶饮，罐装汽水及其他饮品。QR code 又可以叫其他台式特饮，一样咁高质素。甜品方面， 可以选择台式仙草冻，里面有仙草冻、红豆、粉粿，仲可以选择走唔走奶，适合唔同人士食用。另外，亦都可以喺自助区攞Häagen-Dazs雪糕，有唔同口味，真系十分满足了。员工有礼貌，食物上枱速度快，不停收碟，主动提我汇丰卡找数有九折优惠，值得一赞。