影片
更多
2018-08-04
1223 浏览
终于挨过在四川云南之旅！！！(无辣不欢嘅人话我咁讲折福？Sorry，虽然正宗，但食几星期一味咸嘅红油菜，碟碟一样味，你就会挂住HK) 返到嚟当然要食返啲「有味道」(即味道有变化，唔系浓味)嘅嘢！呢间餐厅本体系韩菜，但亦加入唔少日菜元素，连背景音乐都系日韩交替。呢度有两样主打，分别系吉列牛同忌廉乌冬，因为可以自己落手烧，吉列牛感觉较吸引~枱面呢个炉仔就系为吉列牛而设~要食吉列牛只能点定食或者套餐，冇得散叫，虽然要$148，但牛几多而且唔系度度有得食，好值得一试。熟悉嘅外皮，包住嘅却系我未试过咁食嘅牛肉。吉列皮虽然炸得金黄，但入面嘅牛肉仲系全生架！起初以为烧到刚熟系最好，但因为肉切得够厚，而且冇筋，肉烧至微焦，肉芯仍而系淡粉红，呢个时候食油香最足，肉质软腍腍，timing最好！吉列皮调味略咸，所以唔点任何酱料已经够晒味。不过如果唔钟意太油，建议点烧汁减低饱腻感。定食配大碗白饭，不过米粒唔系超饱满，未见惊喜。定食包杯$20汽水，其他补差价。Passion Punch见到热情果籽，饮落味道天然。梳打水减低咗果汁甜度，成杯饮落好解渴。朋友嘅Citrus Ocean颜色衬晒个名。底层系柚子蜜，记住
呢间餐厅本体系韩菜，但亦加入唔少日菜元素，连背景音乐都系日韩交替。呢度有两样主打，分别系吉列牛同忌廉乌冬，因为可以自己落手烧，吉列牛感觉较吸引~
吉列牛定食
$148
29 浏览
0 赞好
0 留言
枱面呢个炉仔就系为吉列牛而设~要食吉列牛只能点定食或者套餐，冇得散叫，虽然要$148，但牛几多而且唔系度度有得食，好值得一试。
熟悉嘅外皮，包住嘅却系我未试过咁食嘅牛肉。吉列皮虽然炸得金黄，但入面嘅牛肉仲系全生架！
起初以为烧到刚熟系最好，但因为肉切得够厚，而且冇筋，肉烧至微焦，肉芯仍而系淡粉红，呢个时候食油香最足，肉质软腍腍，timing最好！
吉列皮调味略咸，所以唔点任何酱料已经够晒味。不过如果唔钟意太油，建议点烧汁减低饱腻感。
定食配大碗白饭，不过米粒唔系超饱满，未见惊喜。
定食包杯$20汽水，其他补差价。
Passion Punch见到热情果籽，饮落味道天然。梳打水减低咗果汁甜度，成杯饮落好解渴。
Passion Punch
$38
20 浏览
0 赞好
0 留言
朋友嘅Citrus Ocean颜色衬晒个名。底层系柚子蜜，记住搅多几下先饮~
Citrus Ocean
$38
29 浏览
0 赞好
0 留言
除咗主食，小食亦有唔少选择。
蒜片炸到脆卜卜但唔油，带点蒜头嘅苦味。牛舌芯好嫰，调味唔over。份量唔多，价钱可能高咗啲，但味道唔错。
呢餐食到吉列牛觉得同吉猪系完全唔同嘅体验，入口软绵绵，外层脆卜卜。如果嚟呢度食饭一定要试。
张贴
