花園餐廳 (已結業)

订咗飞系百老汇睇戏，重有成个钟，于是乎过花园餐厅食饭。落旺角无数次，都系第一次去旺角哩间花园餐厅。花园餐厅原来有三层，地下只系入口，其实佢地最出名系锯扒，我都系入到去先知，因为一直唔多留意花园餐厅，唔好怪我细路仔唔识世界。点咗一客纽西兰西冷牛扒，一客纽西兰羊仔扒，牛扒要7成熟，羊仔扒8成熟。餐汤罗宋汤同粟米忌廉汤各一客，听闻正宗罗宋汤入面有少少牛腩同有少少辣，哩碗罗宋汤当然无牛腩，不过好彩汤唔辣，啱我口味啦。粟米忌廉汤如果加倍浓郁更理想。两个扒上枱，块铁板够热，芡汁淋上去时即时听到锯扒最美妙嘅咋咋声，烟雾马上上升。牛扒点7成，结果黎到系五成熟，羊仔扒8成，上枱果d得六成熟，牛扒点黑椒汁羊仔架点蒜蓉汁。由于我比较中意食熟少少嘅牛扒，得五成，生咗d，只得六成熟羊仔架口感比牛扒差，骚味亦比较重，相信8成熟更啱自己口味。做人永远格离饭香d，见到格离枱份牛扒，份量好大㖞！够钟入场睇戏！