The Grill Room (The Humphreys)

营业中

休息中

一向都知道呢间餐厅牛扒好出色，所以一直都想试，果然冇失望😍北海道刺身带子沙律好refreshing既前菜，带子好鲜甜，有埋三文鱼籽令口感更丰富。望落去份量唔算大，但两个女仔食就啱啱好。烩蕃茄牛面肉扁意大利面牛肉好嫩、入味，佢个面口感好好，蕃茄酱都好有层次。炭烧美国16安士USDA安格斯肉眼牛扒配法式薯蓉（牛肝菌牛肉原汁）全晚最钟意就系呢块牛扒，真系一分钱一分货，牛扒真系特别香，好juicy，份量十足，薯蓉都好creamy，两样野夹埋就系perfect match👍🏻78%黑朱古力心太软蛋糕外脆内软，每次见到流心朱古力就会好有满足感。而且朱古力味好浓，我平时唔钟意食黑朱古力都觉得好好食，甜度同云呢拿雪糕好夹。Pandan de Coco班兰蛋糕就食得多，斑斓味饮品就比较少见，今次叫呢杯mocktail有coconut milk、pandan syrup同lime juice，椰子控必试。