Ocio (東港城) (已結業)

今日生日饭嚟到将军澳远少少嘅地方，但系都比较方便！附近已经有地铁站，去食一间几和味嘅几靓嘅餐厅！餐厅充满著绿化装修颜色，望住眼睛好舒服！仲好有清新嘅感觉！今次我哋谂住试下牛扒！据闻佢呢度嘅牛扒系好出名同埋有三成熟畀你拣！不过我哋自己就拣咗五成熟嚟试下！食落去，肉质红嫩切开啖啖肉汁！再配上红萝卜四季豆椰菜花非常之衬托！加上配上有薯菜！非常惹味！加上牛扒一啲都唔硬身，容易咀嚼亦都容易切开！之后再叫咗个南瓜芝士炖蛋，蛋质属于水波状！配上芝士香浓又滑蛋味出众！南瓜蓉亦都非常好食,南瓜蓉连盖都有好多分量非常足料！南瓜蓉日都带甜味天然冇味精微甜！饮品我选择咗冻柠茶少冰，呢只茶胆冲得非常香浓唔似普通茶餐厅𠮶一种！甜品我哋最后叫咗限量蜜瓜窝夫配上云呢拿雪糕！味道一流蜜瓜微甜！护肤内软外脆！再配上加十蚊可以多一个雪糕球！真系抵食又好食净系觉得食嘢都回本❤️