喜來稀肉 (金巴利道)

营业中

休息中

好耐冇食喜来稀肉啦！对上一次食已经六年前，今日朋友带我重回旧地。我朋友除咗系burger expert，佢仲系韩烧expert，佢试匀香港所有韩烧，兜兜转转仍然情归喜来稀肉，今日佢带我一齐探究喜来稀肉既迷人之处。虽然今日系周日，但铜锣湾分店仍然爆满，可见喜来稀肉受欢迎程度。- 牛护心肉朋友一坐低已经话牛护心肉系必食，肉味非常香浓，口感柔软带少少嚼劲。餐纸上既文字形容护心肉为稀少部位，朋友果然无介绍错！- 喜来稀肉呢款肉以餐厅名而命名，令人更加期待。卖相非常别致，一片片薄肉卷成一朵玫瑰花🌹，味道方面，肉质软稔，肉靓所以无需特别调味已经好出色。- 真雪花牛肉作为三款肉最贵既一种，肉质有少少失望，肉味欠奉。至于卖相唔错，雪花分布均匀。炉边烤蛋系喜来稀肉既一大特色，烤炉旁有三条烤炉坑，坑上分别有芝士鸡蛋、泡菜鸡蛋同烤蒜头。当蛋表面成形，朋友建议立即将烤肉沾上蛋浆，去腻之外亦能尝到幼滑既蛋浆。餐厅亦有提供生菜，生菜包住烤肉同样可以减少油腻感。大家唔好睇小呢三款肉既份量，我同朋友最后食到好饱。牛护心肉完全俘虏左我同朋友嘅心，相反真雪花牛肉有少少失望🙍🏼‍♂️。