影片
更多
2014-06-12
2832 浏览
继上一次远赴「煲皇」，今次返回市区，初次接触天后「滚得栈」。听闻他们是深井热店，几年前开到来港岛区，我未去过，听人讲好食，但我对陌生的打边炉地方是充满戒心的。今日有缘，是因为本来想去「上品」，但他们的房间低消要＄7000, 神经病，随即想起附近有这一家「滚得栈」，打电话去问，只需＄4000，那就试一试吧。 老实讲，我好钟意打边炉，但系又好唔钟意太嘈，房间外面有两枱大枱，真系感受到个热闹气氛，可以想像滚得栈客满的时候是会很嘈的。 首先讲缺点，我哋到达现场，佢先至开冷气，真系有啲见晕，同埋张枱好高，坐得远的话，吓吓都要企起身，张櫈褪开咗又唔系咁易拉得返埋，以上种种简称唔系几好坐。 不过食物可以补回那些不足，尤其是牛类，牛颈脊出现，朋友已哗哗声，睇样都知佢靓，但最令我赞足全场就系那碟牛眼筋，是和牛眼无关的，类似牛腩，有少少筋，少少肥，渌佢15分钟，啲肥冇咗就会变得好爽，有咬口，有牛味，讲起真系想再食。 其他食物都新鲜，手打虾丸最好，象拔蚌丸就食唔出佢同象拔蚌有咩关系； 所以都要了一条3磅象拔蚌，＄860 ，真系好大条，呢只 size去啲谋人寺分分钟收二千。冇一条鱼叫，所以点了鳝片同脆鲩片，海
听闻他们是深井热店，几年前开到来港岛区，我未去过，听人讲好食，但我对陌生的打边炉地方是充满戒心的。今日有缘，是因为本来想去「上品」，但他们的房间低消要＄7000, 神经病，随即想起附近有这一家「滚得栈」，打电话去问，只需＄4000，那就试一试吧。 老实讲，我好钟意打边炉，但系又好唔钟意太嘈，房间外面有两枱大枱，真系感受到个热闹气氛，可以想像滚得栈客满的时候是会很嘈的。
首先讲缺点，我哋到达现场，佢先至开冷气，真系有啲见晕，同埋张枱好高，坐得远的话，吓吓都要企起身，张櫈褪开咗又唔系咁易拉得返埋，以上种种简称唔系几好坐。
不过食物可以补回那些不足，尤其是牛类，牛颈脊出现，朋友已哗哗声，睇样都知佢靓，但最令我赞足全场就系那碟牛眼筋，是和牛眼无关的，类似牛腩，有少少筋，少少肥，渌佢15分钟，啲肥冇咗就会变得好爽，有咬口，有牛味，讲起真系想再食。 其他食物都新鲜，手打虾丸最好，象拔蚌丸就食唔出佢同象拔蚌有咩关系； 所以都要了一条3磅象拔蚌，＄860 ，真系好大条，呢只 size去啲谋人寺分分钟收二千。
冇一条鱼叫，所以点了鳝片同脆鲩片，海鲜仲有鲍鱼仔，唔小心渌咗几分钟都缩得细到揾唔到，下次可以唔使嗌；仲有鱼蛋系ok 唔好食。 汤底是花胶螺片炖鸡，不错，真系有花胶同有鸡； 另外一边就系麻辣同潮州汤底，个潮州汤底好似去咗潮兴打边炉咁，都几得意； 麻辣都几辣。
服务都唔错，啲后生仔几勤奋。 埋单，唔够四千，真系失礼哂，唯有叫支红酒外卖。
张贴
