明興牛什粉麵茶餐廳

营业中

休息中

旧区揾到间好平嘅牛杂粉面店舖，一于入去试下。入到去两边都系卡位，中间就有一张圆台，装修都有啲旧，餐牌一张睇哂，除咗粉面之外，还有常餐、公仔面、三文治餐同经济客饭等，粉面划一都只系28元，都算抵食。两个人叫咗牛腩面跟餐饮、牛杂捞粗面同一碟蚝油芥兰。牛杂捞粗面（$38），碗汤冇乜味好清，牛杂有牛肚、牛肠、牛肺同牛膀，牛肠有油脂香味，其余味道只属一般，粗面较淋身。牛腩面跟冻奶茶走甜（$36）牛腩都唔错炆得够淋，面就好普通，奶茶都ok 。蚝油芥兰（$14）份量较少，唔抵食。