PizzaExpress (皇后大道西) (已結業)

今年嘅新年同以往有啲唔同，多咗留喺屋企同家人渡过，想有啲新意，今日决定叫Pizza外卖庆祝一下牛年！一直都觉得PizzaExpress嘅食物整得比较用心，尤其系我好钟意佢哋唔同菜式会用唔同嘅芝士，食得出唔同嘅层次！今次我哋外卖左可以2-3人食嘅如意套餐！外貌个样都一样精致！一啲都唔失礼！头盘有软心芝士巴马火腿烤蜜桃拼盘有火箭菜，Parma ham，软心芝士，烤蜜桃，罗勒香草汁，个样好吸引，份量都唔少，咸香嘅Parma ham加上香甜嘅蜜桃，意想不到咁match！再加埋个罗勒香草汁，酸酸地味道又清新，nice！主菜可以拣两款！拣咗牛肝菌西班牙肠薄饼同牛肝菌鸡肉螺丝粉！另外升级传统薄批！呢个新春Pizza真系不得了！芝士特别用咗Fontina，满布成个Pizza，芝士好滑，芝士味超级浓郁！牛肝菌同芝士好夹，更加可以提升牛肝菌嘅香味到极致，仲有惹味嘅西班牙肠，令人食完一啖想再食一啖！Pizza香脆松软，大赞！外卖会将Parma ham同埋火箭菜分开，食之前加落去确保所有配料都系咁新鲜！饮品拣咗荔枝特饮同西柚特饮，两款都好解渴解腻，又唔会太甜！