牛涮鍋 (已結業)

星期六行完将军澳吉之岛，顺便去旁边嘅Mou Mou Club食牛涮锅午餐。 好似响二月头先由明星剪彩，新簇簇咁。 大人$78，小童$68，有昆布、清汤和泡菜三个汤底拣，牛肉、猪肉“任点任食”，其他要自己出去攞，大约有二十款, 有乌冬、牛炒饭、日式年榚等主食，蔬菜有金姑,、冬姑、粟米、豆腐和萝卜等，强调系有机蔬菜。 除此之外，仲有腐皮、狮子狗鱼蛋、芋丝同蟹柳等可选择。 每人有一杯饮品兼有绿茶、豆腐、黑芝麻同云呢拿雪榚做甜品。 限时一个钟，够钟会有人通知。虽然话牛肉、猪肉系“任点任食”，但系就上得好慢，建议大家提早order，牛肉当然唔系乜嘢A4、A5贵价货啦，以咁嘅价钱都算唔错啰！ 日式年榚烚完溶溶地软淋淋，靓！ 粟米劲甜，必试！ 雪榚虽然任攞，但系就拔晒好耐都未refill，似乎有D待慢噃！ 埋单$235.4，三个人可以食到日式自助火㶽都算抵。