新麻蒲 BBQ (東港城) (已結業)

我最喜爱食物之一就是韩烧啦，所以一两个月总会去一次。今次去新麻蒲BBQ，佢有好几间分店，之前食过都唔错。估唔到平日夜晚都几多人，大部分都食韩烧。餐厅环境及设计都几好，坐位亦阔落，几舒服。未点肉类前已有五种前菜及生菜，可以无限任添。个人最爱泡菜及海带，泡菜不太辣、易入口。海带酸酸甜甜、好开胃。开完个胃就系食肉时候，我超爱食牛，无牛不欢，所以点了summer set!有三款牛，牛仔骨、牛肋排及霜降牛。牛仔骨有嚼口，好有牛味，而且好大块！牛肋排好嫩滑，脂肪比例刚好，食多多都得，个人认为唔包生菜更享受，超赞！霜降牛都好腍，这款牛味最重，食完会回味一番！生菜加上前菜及牛肉都几特别哦，酸酸加咸咸的。炉边蛋亦是我爱食的，可以无限任添，食左三转，抵晒！食完发现有将军澳职人专享，可以悭几十蚊，唔错！食完美味既牛肉已经无肚再食甜品，但见到雪花冰真的好吸引，下次吃吧！