616牛肉火鍋專門店 (三陂坊) (已搬遷) 新店位置

牛牛嘅爱好者当然要周围试出色嘅牛肉打边炉，依家食牛肉越来越讲究，打边炉唔单单再剩系食牛颈脊同肥牛，呢度有大量唔同牛牛嘅部位畀你试！「横隔肌」「雪花胸肋」「匙柄」「牛朴肉」「牛杭爪」你地又食过未？食靓牛肉最好拣返佢地嘅清汤底，饮落非常清甜，饮得出用咗好多牛骨烹煮，用黎烚牛肉又唔会畀汤底盖过晒啲味！我自己始终钟意食脂肪比例多，入口充满牛油香嘅牛肉，所以「雪花胸肋」同「牛朴肉」系我心目中排名最高。另外，我亦喜欢「牛杭爪」，虽然佢系比较有咬口，但佢类似属于半肥瘦嘅牛肉，既有肉味又有脂肪香。