龍鳳祥餃子館 (已結業)

自从有铺饺子瘾之后，久唔久都要食下饺子先至安乐，但系饺子专门店又唔系真系好似寿司店或者七仔咁，总有一间喺附近，之前在佐敦同同事试过饺子店系不错的，今日再来光顾，满足一下自己的饺子食欲。双拼饺子叫个双拼饺开心一下，其中一款饺子叫做肉三鲜，里面嘅虾肉真系好爽，韭菜多，好香。另外一个就系我最钟意嘅京葱羊肉饺，简直系无得输，羊肉甘香再加埋京葱，两者系饺子皮下绽放着无限光彩，一口咬落去，充满着羊肉香嘅肉汁流出来，令人醉倒。千层酱猪耳碟猪耳都几大份㖞，抵食的小食！切到细细条几易入口，又爽又好赵口。秘制牛犇面牛犇！在下不才，第一次见呢个字，而在场食客好似已熟练地叫碗牛x面。唔sure exactly refer to 咩部位(根据英文菜单，应该系讲紧牛肋骨），牛肉炆得好淋，食落口几香溜。而个面都几有咬口，而且几挂汤，汤又几够味，所以整体呢个面都系唔错架。叫返杯豆浆送下，好香豆味，又唔太甜，好啱我口味。