616牛肉火鍋專門店 (新時代中心)

营业中

休息中

616打边炉，牛牛牛😍616火锅应该好多人食过，不过今次我系食lunch，一个人都可以食嘅火锅，仲要平靓正😍一人火锅，$78汤底同牛都系四拣一，其他配菜好丰富，全部都有。我哋一个拣咗清汤底配俄罗斯金花趾。一款就系沙嗲汤底配牛驼峰。我哋见追加单碟牛肉可以8折，又追加咗两款牛，一款系苏格兰雪花胸肋，一款系英国安格斯牛前胸肋。牛驼峰牛驼峰系四款肉入面脂肪最多，亦都系最嫩最好味嘅，以后去食一定要点呢款，真系好好味，就算一块煮耐少少都仲好嫩，又有牛味。英国安格斯牛前胸肋，$58呢款我觉得排第二，脂肪分布好平均，牛味都重嘅，口感唔错，$58有7大块，仲有8折，好抵呀。苏格兰雪花胸肋，$58睇样其实同安格斯差唔多，味道其实都系，不过呢款稍微瘦少少咁多，有咬口嘅，都好唔错。另外佢哋自家制嘅嘢饮都好好饮，又唔会好甜，饮完感觉好清爽又下火，唔错唔错。咁样食，一人百零蚊已经可以食得好好，正。