神石燒牛扒水產專門店 (新達廣場) (已結業)

呢間神石燒係大埔八號花園，大埔街坊既福音呀，大埔都有質素咁好既燒肉真係開心。我今日就食呢個檸檬塩糀薄切牛舌&牛五花盛，200g都只係$109，呢個係夏日限定，岩晒依家咁熱既天氣呀，我加佐$8追加蒜山，味道更加香濃🤪牛舌都唔會好薄，厚度岩岩好，煙煙韌韌咁，充滿蔥香，牛味更突出😋另外牛五花就油脂十足，超級肥，燒完真係超香，加上蒜香，更加惹味，味道更濃烈🤓而且有啲檸檬既酸，更加開胃，唔會好滯好膩既感覺，反而幾清新！呢度既湯都好濃味，但又唔會係油膩既，飯又軟軟的，加上紫菜，好食到爆！