牛皇星 (已搬遷) 新店位置

牛皇星搬咗啦，搬咗去隔离几个舖位，吴松街149号至系正确，原舖153号已经转咗一间日本料理！！系旧舖食过，啲牛肉款式真系好多，都几特别。今次朋友话想去，于是再去一次。新舖梗比旧舖干净，不过打边炉都好难唔搅到成身味。舖位系大咗，好奇怪既系坐位无觉得阔落咗，主要都系因为老板好识得「善用空间」。款式同以前一样，多咗好多海鲜，但系食物水准似乎唔及旧时1. 特级肥牛：Okay啦，但系几贵㖞2. 牛粒：多咗好多肥肉，少咗牛肉鲜味3. 牛脊：唔韧，不过无咗之前入口溶化种感觉，一啲都无牛味本来啲伙计推介叫我哋食刺身，不过系火锅店里面食刺身都似乎几冒险，所以都系婉拒啦！走既时候先发现好彩无叫刺身，原来佢哋会将啲食物「运过」去对面自己间同名茶餐厅（夜晚变咗打边炉），虽然有盖盖住，但系好难想像系食成千蚊既舖头都会有呢种情景出现，认真系奇景！