程班長台灣美食 (已結業)

公众假期前一晚到程班长食晚餐，大约七点三到达，门口超多人排队，可能假期前夕啦，因为之前嚟过几次食晚饭，有时都唔驶等，幸运地今晚都系等约25分钟。环境嚟过嘅人都知程班长地方浅窄，讲唔上有装修，都系长枱排排坐。人多时确实有少少举步艰难，不过小店就无咩所谓啦。食物嚟过几次，始终都系想食牛肉面，我叫左清炖半筋半肉面，老公叫左红烧半筋半肉面。第一次食清炖牛肉面，汤较浅色，味都较红烧淡，但都够味。牛肉就普通，虽然都咬得开，但肉干且韧，似煲完汤嘅汤渣。老公话佢嘅红烧牛肉都有少少韧。幸好牛筋有咬口得嚟都够淋，亦入味。面系我钟意嘅粗面，似刀削面，每条厚薄不一，似手搓，质地烟韧。不过加埋又干又韧嘅牛肉，食完口部肌肉有啲攰。可能食得较慢，碗红烧面汤嘅油凝固咗，浮哂面。另外叫左蚵仔煎、冬瓜茶。几年前喺台北夜市食过唔好味嘅蚵仔煎后，一直都无再食过，直至被之前睇电视小仪介绍所吸引，所以今晚就叫左嚟试下。蚵仔煎样子似茶楼嘅咸薄撑，有啲甜甜嘅酱汁淋面，里面有肥肥嘅蚵仔、葱，几香口惹味，一改心目中得个咸字嘅印象。至于冬瓜茶就较甜，都解渴，但如果少甜会更好。服务呢度系半自助式，入座后侍应会俾餐牌同一枝木红色笔，自己剔选食