影片
更多
2012-11-27
2155 浏览
又踏入冬季，相熟既朋友都知我系边炉怪，入冬就差不多一星期打三四次边炉，讲到成日去又平又抵食既，九龙区我会推介呢间﹗ 佐敦新明记，在炮台街，晚晚爆场，胜在食物质素不错又抵食﹗ 打边炉，汤底我一向都系其次，每次出去食饭我都系点最平那个汤，就好似呢个芫茜皮蛋﹗而家好多坊间都整色整水又鱼翅又龙虾汤，成百几蚊个，对食物生料根本完全起不了作用，想饮汤的不如去叫盅炖汤吧﹗ 近呢个几月，呢度晚晚都有膏蟹仔供应，$30只﹗ 咪睇佢细细只，尐膏真系顶哂角架，食落有如蛋黄一样甘香，一人一只唔好执输﹗ 手切牛肉$168﹗色水很不错，轻灼后牛味香浓，无渣，脂香扑鼻，千其唔好蘸任何酱油，唔系真系浪费咗佢﹗但我都要讲吓，新明记有佐敦同大围店，我两间都经常帮趁，大围既牛肉比佐敦的更胜一筹，新界区既朋友唔洗咁远出到九龙﹗因大围更好吃﹗而佐敦的亦有佢比大围好的地方，就系佢既自家包既杂饺﹗包得只只饱满，睇见都想食﹗后面既系鲜带子，今日的偏细粒，之前食大大粒架，十分鲜甜﹗鱼皮饺都系自己包架，饺皮烟韧，肉汁馅料极多，超乎想像的香口好吃，真系一人吃一碟也不为过﹗韭菜饺猪肉同韭菜既比例配得好好，吃下满口生香，坚正﹗两个麻甩佬，4支
佐敦新明记，在炮台街，晚晚爆场，胜在食物质素不错又抵食﹗
打边炉，汤底我一向都系其次，每次出去食饭我都系点最平那个汤，就好似呢个芫茜皮蛋﹗
而家好多坊间都整色整水又鱼翅又龙虾汤，成百几蚊个，对食物生料根本完全起不了作用，想饮汤的不如去叫盅炖汤吧﹗
近呢个几月，呢度晚晚都有膏蟹仔供应，$30只﹗
咪睇佢细细只，尐膏真系顶哂角架，食落有如蛋黄一样甘香，一人一只唔好执输﹗
手切牛肉$168﹗
色水很不错，轻灼后牛味香浓，无渣，脂香扑鼻，千其唔好蘸任何酱油，唔系真系浪费咗佢﹗但我都要讲吓，新明记有佐敦同大围店，我两间都经常帮趁，大围既牛肉比佐敦的更胜一筹，新界区既朋友唔洗咁远出到九龙﹗因大围更好吃﹗
而佐敦的亦有佢比大围好的地方，就系佢既自家包既杂饺﹗包得只只饱满，睇见都想食﹗
后面既系鲜带子，今日的偏细粒，之前食大大粒架，十分鲜甜﹗
鱼皮饺都系自己包架，饺皮烟韧，肉汁馅料极多，超乎想像的香口好吃，真系一人吃一碟也不为过﹗
韭菜饺猪肉同韭菜既比例配得好好，吃下满口生香，坚正﹗
两个麻甩佬，4支狮威，埋单$400﹗呢度有样好就系可以坐门口，岩哂我爱露天亲亲自然既性格，大家知咩事啦﹗
查实而家尐食材真系贵得好紧要，自己在屋企打边炉买碟手切牛肉都要成百银，再买埋其他杂食差唔多成$300埋单，之后又要洗又要抹，真系出街食无咁嬲﹗
九龙区我一向都拣佢﹗
张贴
