叁淥火鍋 (已結業)

早收工嗱嗱林杀返元朗打边炉，呢间边炉留意左好耐，今次第一次试。两大一细叫左个什菌汤底，本地手切牛小排，鸡什，一份海虾，牛筋丸，炸鱼皮，粟米和菜。海虾好新鲜，鸡什系我暂时食过最好味的，其他食物都正常发挥，系要讲一讲个牛小排，以接近$400黎讲，系我食过最唔好食既牛肉，冇肉味冇口感。如果你系牛魔王我就唔会推荐呢间，如果食海鲜同内脏就不妨一试，选择够多，仲有龙虾和象拔蚌。野饮选择都系好多，有生啤，冻柠茶，椰青。饮左一杯冻柠茶，一个椰青，一杯生啤，两支大啤，埋单$14xx