影片
更多
2022-06-11
336 浏览
短版：食到一半发现啲牛肉有啲黑色一点点(如图)，唔知系咩黎，即时无哂胃口兼反胃。成餐食完又疴又呕。长版：入到去坐底见到张櫈系甩甩地皮既，男仕就无所谓，带女仔的话可能坐得唔系咁舒服。坐底就攞野饮先啦，疫情底下其实都惯左饮罐装用饮筒。因为运送过程唔知个罐口有无放地下或者落雨滴污水滴雀屎之类，直接用口饮就有少少污糟。但系餐厅就无提供饮筒，如果系环保问题可以提供纸饮筒，食你几百蚊一餐任食，无理由纸饮筒都要悭嫁。咁呢个位已经有少少不满。后来食食下野无啦啦有只手由后面伸过黎拎起我罐野饮摇一摇，吓到小弟个心离一离，原来系侍应拎起摇一摇睇下饮哂未。我望住个侍应只拎完生肉又一直执枱既手，摸完我罐野饮就走，莫名感觉到一种美好事物比人系眼前沾污既感觉。大佬我罐野饮放咁近，个位点都唔似有示意你收走。又无饮筒又唔想拎起罐野，未饮哂都唔想饮。重点黎喇，食到一半发现啲牛肉有啲黑色一点点(如图)，唔知系咩黎，即时无哂胃口兼有啲反胃。食过咁多间牛锅，都系第一次见牛肉上面可以有黑色点点仲要拎出黎比客。无咩胃口想试埋个雪糕就走，雪糕就系无牌子批发大桶装𠮶只，放系出面比大家任掘。疫情之后都好少见有餐厅够胆咁做，比个个都可以放
食到一半发现啲牛肉有啲黑色一点点(如图)，唔知系咩黎，即时无哂胃口兼反胃。成餐食完又疴又呕。
长版：
入到去坐底见到张櫈系甩甩地皮既，男仕就无所谓，带女仔的话可能坐得唔系咁舒服。
坐底就攞野饮先啦，疫情底下其实都惯左饮罐装用饮筒。因为运送过程唔知个罐口有无放地下或者落雨滴污水滴雀屎之类，直接用口饮就有少少污糟。
但系餐厅就无提供饮筒，如果系环保问题可以提供纸饮筒，食你几百蚊一餐任食，无理由纸饮筒都要悭嫁。咁呢个位已经有少少不满。
后来食食下野无啦啦有只手由后面伸过黎拎起我罐野饮摇一摇，吓到小弟个心离一离，原来系侍应拎起摇一摇睇下饮哂未。我望住个侍应只拎完生肉又一直执枱既手，摸完我罐野饮就走，莫名感觉到一种美好事物比人系眼前沾污既感觉。大佬我罐野饮放咁近，个位点都唔似有示意你收走。又无饮筒又唔想拎起罐野，未饮哂都唔想饮。
重点黎喇，食到一半发现啲牛肉有啲黑色一点点(如图)，唔知系咩黎，即时无哂胃口兼有啲反胃。食过咁多间牛锅，都系第一次见牛肉上面可以有黑色点点仲要拎出黎比客。
无咩胃口想试埋个雪糕就走，雪糕就系无牌子批发大桶装𠮶只，放系出面比大家任掘。疫情之后都好少见有餐厅够胆咁做，比个个都可以放只手落去掘。呢种形式我以前亲眼见过有细路系成只手插入去徒手掘雪糕食...
个雪柜应该系唔够冻，个朱古力味雪糕溶到好似落完雨地盘啲泥浆咁，呈现一种泥水混合物既独特质地。
成餐食完仲有效过食泻药，我地两个男人食完行到去K11，两个都忍唔住，冲入厕所差啲要争厕格用，两个疴到七彩。返到屋企又再疴呕左几次，食完第二日都无胃口食野，排毒节食效果一流。
讲真成件事系灾难级，除左牛肉有黑点不可原谅，其他本来都系小问题，但系加埋一齐就系一个错误既集合体。
见到佢隔离仲有做西餐，系同一间铺两边通既。火锅咁低门槛既食物都做成咁，食佢个西餐真系祝大家好运。
张贴
