榆越 (已結業)

天一商场食肆林立，平时接送小朋友去兴趣班，我都喜欢喺度觅食！呢间榆越系我饭堂黎，我最中意黎食呢度嘅牛肉河粉🍲招牌嘅牛魔王汤河$89 有牛肉、牛肚、牛筋、金钱肚、牛丸，牛肚牛筋好软腍，牛肉够香够浓郁。配菜有洋葱、芽菜、九层塔、葱粒，味道好丰富😋呢个越式辣酱鸡翼$32(5只)比较少见，甜辣口味，但又同泰式甜辣唔一样，多左香料嘅衬托，香脆惹味。最后叹埋杯滴漏咖啡(+$14)☕️ 唔需加糖都好饮，黎到记得要试埋喇。餐厅座位阔落，坐得舒服。简约整洁嘅装修，非常企理。另外呢度嘅烧牛肉法包🥖好似都够人推介，下次再试下先😌