影片
更多
2018-03-28
543 浏览
夜晚9点几，喺铜锣湾揾嘢食，见到新开嘅千里屋食堂，喺门口睇吓个餐牌有咩食，店员即时热切介绍，佢哋系来自大阪嘅食店，主打牛肉饭，好吸引，同朋友决定试吓。呢度走食堂风格，装修系大众化嘅日式自然风，木枱櫈加柔和灯光，感觉自在舒服。望完餐牌，叫咗个 Shabu Shabu Gozen Premium 御膳，店员好快手，连炉带锅一齐送上，跟埋渍物、前菜、味噌汤、白饭一碗，前菜系炆牛筋肉，又淋又入味，仲有两件暖暖嘅玉子卷。而锅里面就有好多新鲜嘅野菜同菇菌，当然仲有主角，一碟肥瘦均匀嘅安格斯牛肉啦，放喺热汤上面，勺两吓，已经食得，肉质好松、好软滑，虽然系薄切，但系都好有肉味，加埋吸晒清甜嘅昆布野菜汤底精华，好好味，跟住食啖白饭，再饮番啖热辣靓汤，味道真系好圆满。朋友系牛魔王，当然拣得严谨，4款鹿儿岛黑牛Fair之中，拣咗和牛铁板3种，跟埋味噌汤，同白饭。热辣辣铁板上面，放咗清爽雪白嘅大根、洋葱丝，3色杂豆，同埋3小碟调味，酱油、胡椒盐、芥末，伴住3种唔同部位嘅嫩红和牛，每种都有3、4片倒，切得好工整，分别有五花腩、肩肉、里脊肉，3种绝对唔同口感嘅享受，油脂比较丰富嘅五花腩，轻轻点少少盐吊吓味，肉味浓
呢度走食堂风格，装修系大众化嘅日式自然风，木枱櫈加柔和灯光，感觉自在舒服。
望完餐牌，叫咗个 Shabu Shabu Gozen Premium 御膳，店员好快手，连炉带锅一齐送上，跟埋渍物、前菜、味噌汤、白饭一碗，前菜系炆牛筋肉，又淋又入味，仲有两件暖暖嘅玉子卷。而锅里面就有好多新鲜嘅野菜同菇菌，当然仲有主角，一碟肥瘦均匀嘅安格斯牛肉啦，放喺热汤上面，勺两吓，已经食得，肉质好松、好软滑，虽然系薄切，但系都好有肉味，加埋吸晒清甜嘅昆布野菜汤底精华，好好味，跟住食啖白饭，再饮番啖热辣靓汤，味道真系好圆满。
朋友系牛魔王，当然拣得严谨，4款鹿儿岛黑牛Fair之中，拣咗和牛铁板3种，跟埋味噌汤，同白饭。热辣辣铁板上面，放咗清爽雪白嘅大根、洋葱丝，3色杂豆，同埋3小碟调味，酱油、胡椒盐、芥末，伴住3种唔同部位嘅嫩红和牛，每种都有3、4片倒，切得好工整，分别有五花腩、肩肉、里脊肉，3种绝对唔同口感嘅享受，油脂比较丰富嘅五花腩，轻轻点少少盐吊吓味，肉味浓厚甘香，肉质好滑溜，食入口简直有种即溶嘅感觉。而肩肉，就有一种好实在嘅咬口感，肉质好有弹性。跟住系口感细嫩嘅里脊肉，油脂比较少，一定要慢慢细嚼，感受一下呢种独有嘅细腻牛香。
食到饱饱，饮番啖冰冻乌龙茶，真系有一份好幸福嘅满足感。
远道日本而离嘅千里屋食堂，夹住食高级牛肉嘅招牌出场，味道当然做得耍家，一众牛魔王，千其唔好错过呀！
张贴
