牛摩 (都會駅)

营业中

休息中

今日同朋友嚟到调景岭嘅牛摩食晚餐，餐厅主打牛肉火锅放题，根据牛肉嘅质素同食物种类分左几个Lv，同朋友叫左IBP牛板腱放题，$239就可以食到美国IBP牛板腱、特选美国牛肩胛、牛舌，仲有海鲜帆立贝、鱿鱼仔同青口。火锅汤底方面系一人一锅，叫左博多美人骨胶原啫喱鸡白汤同沙嗲汤。博多美人骨胶原啫喱鸡白汤，卖相好可爱，汤底有满满嘅骨胶原，饮落鸡汤味浓，清得黎又唔会太淡，好适合用嚟洽蔬菜，可以调味又唔会太油腻！而沙嗲汤底味道浓郁，食材都好容易入味，适合重口味人士！哩度牛肉质素相当唔错，新鲜而且牛味十足！最好食系美国IBP牛板腱，牛板腱是附在肩胛部位的肉，因为这个部位经常运动，所以脂肪较少，有咬口，牛肉味浓郁。特选美国牛肩胛、牛舌都好好食，同朋友都重叫左好几盘！牛肉配沙嗲汤底一流！可惜无公仔面，用左拉面去代替，自制沙嗲牛面😋😋😋！除咗火锅配料可以自己拎之外，仲有甜品、饮品、配料bar、寿司等等，种类繁多！最后自己整咗杯北海道牛乳雪糕，为哩一餐画上完美嘅句号！整体而言二百几蚊可以食到咁多样嘢，牛肉质素亦好好，自己去单买牛肉嘅成本都唔平，呢度帮你整好晒又有汤底，又有好多其他嘢食，性价比好高！推荐！