牛摩+ (沙田中心) (已結業)

今日同朋友庆祝生日，拣咗食火锅放题，夜晚拣咗最贵嘅极品美国牛小扒套餐$349一位、90分钟任食。有多款牛肉、鸡肉、猪肉、羊肉、海鲜、其他火锅，配料等等。呢度一人一锅，我哋拣咗沙嗲汤底及虫草花鸡白汤。沙嗲汤底非常香浓，渌牛肉真系非常正。虫草花鸡白汤清清地，鸡白汤味香浓，渌海鲜唔错。呢个QR code自助落单非常方便，除咗QR code落单出边仲有多款火锅配料。仲有饮品任饮甜品任食。我哋每款肉都点咗少少、亦都点咗啲海鲜。牛肉款款都好食，个人推介牛小排及SRF和牛，质感好好，啲肉味好香浓。海虾、扇贝啲海鲜都新鲜。啲汤底都好正，尤其系咖喱汤底，好香辣，啲味道好突出。啲配料都好丰富。