碗碗香 (已結業)

香港夏天咁热，成个人都无咩胃口。谂住求期食碗粉面饱肚就算。点知又俾我同朋友揾到正野！早收工，六点就坐底左，成功避开晚市人潮。👍🏻一睇menu就知道呢间面店有别于一般米线店，佢系主打贵阳牛肉面，而且因应香港人口味已改良辣度。第一次帮衬，保险d叫左两碗牛肉面$58@，一碗辣一碗唔辣。下单时会问定选咩辣度： 唔辣、小辣、中辣、大辣。一上枱，已经有惊喜，牛肉份量都几多，而且每粒都大大粒，并且好淋身，十分入味。面条睇落似乌东，但食落口感好大分别！好弹牙，外面好少食到呢个口感。店员话佢地嘅面条新鲜制，而且采用全米浆做，所以份外弹牙同好香米味。如果唔食得辣，都唔洗担心，唔辣嘅汤底本身已经好惹味。另外加$9有一大杯苦丁茶，味道有少少回甘。有消热解毒嘅作用，食完辣野都唔怕热气！其实仲有各式各样嘅小食，但食完咁大碗牛肉面都开始饱，下次黎再试埋其他小食先！