士林台灣麵

营业中

休息中

放工想食台湾野，去左千色后面嘅士林。去到都系7点，门口好多位，室内就要等一阵啦，等左5分钟就入得。叫左牛肉面、牛肚丝同胚芽奶茶首先黎左个麻辣金钱肚($43)，牛肚切幼丝，爽爽地唔会太淋。麻辣方面，就唔麻，只有少少辣，唔太食得辣嘅朋友都食到。但上面嘅酱油太多，咸得济，整走佢会好D。之后就系主角，牛肉面($50)，望落去个汤嘅色够哂浓，仲有3大条牛肉。牛肉好淋，一层肉一层筋，不过个汤无比前咁浓郁，D面索唔到D汤。最后嘅胚芽奶茶($16)，无咩特别，胚芽份量太少。如果想去食，人少就要预左搭枱，而且座位比较窄，食完就要走架啦。