牛極 (通菜街)

营业中

休息中

近期新开好多石板牛，间间质素阁有千秋，今日又黎到旺角通菜街呢间牛极，之前食过一次觉得唔错! 今日下午2点左右黎, 比上次晚餐既段少人, 唔洗排队。未算太肚饿，叫个180g牛肩肉先，白饭、沙律、汤都系任装。块排黎到系得1成熟，想食几熟就睇自己控制喇, 我会先系上面扭少少盐同黑椒，今次试下加多少少bbq粉, 又几惹味㖞想牛肩肉唔痴牙，建议大家煎至5~6成熟，太生咬唔入、太熟又痴牙，5~6成刚刚好一个女仔食一块180g牛其实都好饱，最值得一提既系呢度既汤，应该隔一排就会转款, 因为早几个月黎食只系普通面豉汤, 今日既系日式蕃茄牛肉汤，饮唔出有味精，可以话系饮得到平时自己煲果种味道，见到在场咁多位都饮好多碗，我都唔客气饮左3碗估唔到作为配角既汤会咁好饮!今次回头感觉都唔错, 加汤仲好饮左添, 期待下次再回头时既惊喜