樂園魚蛋 (亞皆老街)

营业中

休息中

见到个餐牌话崩沙腩系招牌，所以想食，但系可惜2:00左右嚟到已经卖晒。亦都听到隔离食客话嚟咗几次都食唔到，下次真系要早啲嚟。所以要叫咗个牛三宝试一试。🥢 牛三宝粗面$52牛腩味好浓郁。虽然唔系崩沙腩，但系坑腩亦都好松，好爽滑，亦带有一点牛脂的「立」口。牛筋，牛肚，煮得够软，但仍能保持爽口。原来除咗葱之外都有芫荽，喜爱芫荽嘅朋友就开心啦！🥢 四宝丸河粉走葱$45落单够准，落咗order话走葱，佢真系走比你。四宝丸有猪肉丸，鱼蛋，鱼皮饺，鱼蛋角，同墨鱼丸。一次过可以试唔同嘅口味最啱贪心嘅人。每一粒都好弹牙，尤其是白鱼蛋同鱼蛋角，有鱼味，鲜甜，弹牙。猪肉丸内都好有肉汁。份量都好足，好大碗。🌶 辣椒油好香，打开个盖就闻到辣椒油的香味。自己唔系好吃辣，所以辣椒油要逐少逐少落。🥛 豆浆系原樽上，感觉好卫生。香港制造，真材实料，见到个底有D揸，记得摇下先至饮。地方都好干净企理，仲有埋自助饮水机，服务贴心。