大快活 (家維邨)

营业中

休息中

平时有得拣都一定唔会食大快活，因为印象实在很差，之前买饭盒都系去开大家乐，但系真系唔得，所以见佢装修完，又近公司，所以点都要去试佢一次。去过几次，都好满意。食过轻盈意粉餐（个名唔系好记得清楚），餐包括：蕃茄蓉肉丸意粉、脆脆朱仔包、意式杂菜汤、低糖绿茶。意粉的份量比平常少，但汁够浓同埋好够，另外配脆脆朱仔包，外表平平无奇，可以话系唔讨好，但系咬落真系外脆内软，口感好好，意式杂菜汤较清淡，似中式多啲，但系就好多蔬菜粒粒，都几好。个餐话就话轻盈啲，但系食晒都已经好够饱喇。另外不能不提嘅系咖哩牛腩，食过两次，虽然两次个汁都唔系好同，一次稀啲淡啲，一次就浓啲「杰」啲，但系个主角牛腩真系煮得好腍好香，个味又ｏｋ，所以久唔久都想食下。