影片
更多
2013-10-06
156 浏览
今次已经系第二次食老表，两次都系周末。铺头o系观塘广场地下既其中一条巷仔入面，都几窄，中间穿过一两间茶餐厅，行到尽头就到。虽然呢间野打正旗号做云南羊肉汤，但老板其实系鬼佬（收钱o个个）。呢度既米线有大碗同细碗拣，细碗都好大兜，男士食一个细碗都会够饱；大碗就啱两个女仔share。有皮既羊肉米线($32)，每件羊肉稍为大少少，望落都几多，不过肉既份量就真系偏少。有层皮既话当然会滑啲，而中间既脂肪亦会令啲肉香啲，不过皮会带少少毛，介意既话最好都系叫冇皮羊肉。个汤算唔错，有少许羊既膻味，不过再羊味再突出啲就更好。第一次食冇皮既羊肉米线($32)觉得都OK多羊肉，但第二次就得返好少，食两啖就冇哂。而且个羊本身应该冇乜调味，而个肉质偏实，所以整到细细条咁易食啲。总括黎讲，其实冇乜惊喜。今次除咗羊之外，仲试咗牛腩米线($31)。牛腩出奇地大旧同多，显得啲羊肉更加少。啲牛腩系连住少少脂肪同软筋既部位，连埋一齐食口感丰富，味道更加浓烈，而且煮得比羊肉稔，所以我觉得牛反而好食过羊。汤底方面，颜色冇羊肉汤咁白，亦冇羊汤既膻味。我食开华姐清汤腩既汤底比较清，而老表就比较重味，有佢自家既特色风味。佢另外仲有个小
铺头o系观塘广场地下既其中一条巷仔入面，都几窄，中间穿过一两间茶餐厅，行到尽头就到。虽然呢间野打正旗号做云南羊肉汤，但老板其实系鬼佬（收钱o个个）。呢度既米线有大碗同细碗拣，细碗都好大兜，男士食一个细碗都会够饱；大碗就啱两个女仔share。
有皮既羊肉米线($32)，每件羊肉稍为大少少，望落都几多，不过肉既份量就真系偏少。有层皮既话当然会滑啲，而中间既脂肪亦会令啲肉香啲，不过皮会带少少毛，介意既话最好都系叫冇皮羊肉。个汤算唔错，有少许羊既膻味，不过再羊味再突出啲就更好。
第一次食冇皮既羊肉米线($32)觉得都OK多羊肉，但第二次就得返好少，食两啖就冇哂。而且个羊本身应该冇乜调味，而个肉质偏实，所以整到细细条咁易食啲。总括黎讲，其实冇乜惊喜。
今次除咗羊之外，仲试咗牛腩米线($31)。牛腩出奇地大旧同多，显得啲羊肉更加少。啲牛腩系连住少少脂肪同软筋既部位，连埋一齐食口感丰富，味道更加浓烈，而且煮得比羊肉稔，所以我觉得牛反而好食过羊。汤底方面，颜色冇羊肉汤咁白，亦冇羊汤既膻味。我食开华姐清汤腩既汤底比较清，而老表就比较重味，有佢自家既特色风味。佢另外仲有个小食系烚羊尾巴($10)，今日有3条，我12点几去到已经冇左两条，不过由于佢系烚既关系，感觉上不太吸引，所以冇试到。我如果俾我再去，我都系会舍羊取牛......
张贴
