616牛肉火鍋專門店

营业中

休息中

行尖沙咀，依排想食下火锅，但质素又想好少少，仲想食得清淡啲，真系买少见少，系依度大多数都系for大陆人嘅价钱，真系冇乜选择。同埋朋友买完野近近地，见到呢一间睇落几整洁，食嘅嘢又啱我地口味，咁我哋就入去试一试。依度落单系电子化嘅，㩒下个平板就可以拣你食啲咩。我地今次就拣咗个鸳鸯沙嗲牛做汤底，仲叫左滑尾龙，金花趾，牛驼峰，手虾滑，鸳鸯沙牛汤底，慢煮牛筋腩，响铃同皇帝菜。依间主要系食牛嘅，佢分唔同部位食，真系有唔同嘅层次。先讲个汤底，依个汤底真系冇得顶，佢啲牛味好足够，加埋啲萝卜同其他嘢，食到中途都忍唔住要饮啖汤，最尾食埋旧萝卜真系好入味。滑尾龙需时15秒，佢有张纸教你时间嘅熟度。依个系牛嘅背嘅后方，佢配埋只生鸡蛋上，食落似生滖粥嘅滑牛。金花趾喺牛嘅脚较上位置，佢嘅脂肪分布好平均，食落超重牛味，我个朋友超钟意。牛筋腩，个腩肉有层次，牛筋就等佢滖耐啲，我估佢之前有滖过下，因为我地都系滖左半个钟左右就食，哗，超淋，劲好食。牛驼峰喺牛背嘅较上方，依个位超好食，你睇落薄薄地一块，但食落口系有咬口之余又唔韧，肉同油好均匀，牛味好重，食完仲会回香，值得一试。