惠比壽本店

营业中

休息中

住喺附近，佢新开店就开始帮衬，疫情期间都不时光顾。可谓食开有感情，钟意喱度嘅食物水准平稳，环境濶落，价钱合理。一直见佢唔系好旺，可能我多数非繁忙时间去吧。疫情时期更见人少，担心佢做唔住㗎。好彩疫情过去，人流有番起色，佢坚持到而家，觉得佢都好嘢喇！中午惯常食烧鲭鱼套餐，因为唔食刺身，否则选择更多。套餐有用日本米煮嘅饭，连面豉汤，渍物及菜沙律，沙律啲菜好新鲜㗎，比好多餐厅一早整定摆到变色，优胜得多。佢哋又会送张免费小食卡你，等你下次用，我就最钟意食茶碗蒸，啲蛋好嫩滑又热辣辣，店员话系即叫即蒸嘅。今次晚餐，叫咗非惯常食嘅牛舌丼同烧深海池鱼骹。牛舌份量十足，质感软熟有肉味，池鱼鲛烧得咸香鱼味浓，今餐略为叫多咗，不过仍然食得晒，个胃非常满足。