一杯屋 (已結業)

A姐未识我之前系所有内脏都唔食，但自从被我迫过佢食牛舌（佢坚称牛舌都系内脏）之后，佢就深深爱上呢个食物，仲突然自称系牛舌控！我哋今日就去到铜锣湾逸园中心嘅一杯屋，重点当然系主打嘅仙台牛舌啦！听讲系好耐好耐之前……故事返到去二战期间，美军出晒名钟意食牛肉，但牛舌就会被丢弃，不过，由于当时嘅日本粮食短缺，所以仙台人就会用炭火将牛舌烧熟，仲发觉原来咁好味，仲成为仙台嘅名物添！返到嚟一杯屋，坐低无耐，店员就送上毛巾、前菜薯仔沙律同茶，服务都算唔错呀。而店内嘅烧烤则用上备长炭，加上抽风系统好好，咁就唔驶惊店内好大油烟啦！牧丹虾刺身+牧丹虾味噌汤食日本嘢最钟意就系剌身，而呢度嘅刺身首推牧丹虾！虾肉企身，够晒弹牙，大大只又够晒鲜甜！而虾头仲可以叫厨师帮你整味噌汤添，呢个味噌汤真系够晒鲜甜呀！串烧（鸡翼、鸡腿肉、拖罗）鸡翼同鸡腿肉嘅味道OK，肉质嫩滑，提议加少少七味粉调味，即刻变得好好味啦！至于，串烧拖罗嘅脂肪好平均，充满鱼油嘅香味。炭烧鱿鱼脚鱿鱼脚带有微微嘅炭香，烧得微㶶。炭烧极上牛舌定食等咗咁耐，终于等到牛舌喇！经过炭火嘅烧烤，牛舌嘅肉汁被锁住，肉质软腍弹牙仲好有牛嘅香味，肉汁丰富浓厚！定食仲包牛