牛角次男坊 (東薈城名店倉) (已結業)

黎到东涌outlet行到攰就上黎睇下有咩食，见到有牛角即系行埋去睇下个menu啦，原来系食牛丼，仲好唔洗自己烧㶶晒。可能星期日而商场又做紧promotion嘅关系，所以好多人排队，最后排咗20分钟左右终于有得食。🥢鸭肝牛角次男坊丼定食鸭肝好有油香味，烧到外脆内软，斋食会有啲漏，所以夹埋饭一齐食就岩岩好 👍🏽而牛肉烧到有小小脆边得黎又唔会好鞋好干，咬落仲有肉汁渗出黎，唔会韧 😋🥢烧盐曲牛舌丼定食去牛角烧肉好钟意食佢地嘅牛舌，但自己唔识烧又惊唔熟，所以次次都烧到㶶㶶地 😅 宜家有得点，岩晒我。虽然卖相睇落好单调，但食落都有小惊喜。牛舌都有小小脆边，烧得唔干有肉汁，食落唔会觉得油腻。不过个饭就落得太多烧肉汁，所以有啲咸。