Gyutan Toku牛舌專門店

营业中

休息中

今日同朋友去左试下牛舌关注组都有推介过嘅「Gyutan Toku牛舌专门店 」，呢度除咗有出名嘅牛舌定食之外，仲有好多日式串烧同小食。餐厅嘅座位唔算多但坐得宽敞，有居酒屋小店嘅感觉。我哋嗌咗炸鸡三件、芥辣八爪鱼、烧鳕鱼干、极上牛舌定食同柚子酱油渎牛舌定食。炸鸡炸得香脆松化，外皮脆口而入面嘅鸡肉依然保持到嫩滑嘅口感同肉汁；八爪鱼头盘份量唔细，八爪鱼粒同青瓜粒拼芥辣酱，味道少少辣得嚟又几开胃；烧鳕鱼干拼沙律酱都好香口，咬落去脆卜卜，几重鳕鱼味，食极都唔停；所有嘅牛舌定食都有茶碗蒸、泡菜、沙律菜、腌萝卜、面鼓汤同白饭，极上牛舌定食嘅牛舌非常厚身，咬落去爽口有嚼劲，烧完之后块牛舌嘅牛味好出，加上每块牛舌表面都有轻微嘅横切纹，令到烧汁可以更入味；柚子酱油拼牛舌嘅配搭非常清新，柚子嘅味道中和左牛舌嘅油腻感，咬落去好腍身，而且牛舌嘅份量非常多，中间有一粒温泉蛋，刺穿之后蛋汁捞埋珍珠饭一齐食系绝配。而家餐厅仲做紧一周年开业优惠，喺唔同嘅日子都有唔同嘅优惠，非常推介各位钟意食牛舌嘅朋友嚟试一试呢一间牛舌定食！📍土瓜湾天光道44号天光大楼地舖位置就脚：🍊🍊🍊🍊餐厅环境：🍊🍊🍊🍊食物味道：🍊🍊🍊🍊🍊整体CP