Gyutan Toku牛舌專門店

营业中

休息中

土瓜湾呢间牛舌专门店位置唔算难揾，店面虽然唔大，细店黎讲，坐位都叫阔落。装修简单得黎偏向日式风。黎得呢到当然要试下佢嘅牛舌定食啦！睇餐牌可以见到，食客可以自行选择要正常1倍分量嘅牛舌定系1.5倍或2倍嘅。极上牛舌定食1.5X极上牛舌用嘅系牛舌心，食落系比较软嫩。职员建议食用时可以点芥末及柠檬汁。个人始终觉得点盐食好食过点芥末食。食到最后几片如果觉得腻，可以加上少少柠檬汁增加清新感嘅同时又可以解腻。熟成牛舌定食1.5X其实斋睇外表一般人真系睇唔出有咩分别。熟成其实系一种肉质处理手法嘅名称，经呢个手法处理嘅肉质会更柔软。两种牛舌嘅烹调手法都系炙烧，味道上冇咩太大分别，但口感上就真系唔同啦。对比起极上牛舌嘅口感，熟成牛舌更有韧性，愈熟嘅地方肉质愈紧致。系两种唔同嘅口感体验。配菜方面各方面都唔错，海蜇、牛蒡都好爽脆，汤唔会好咸，蒸蛋内有冬菇、蟹柳等，都好滑嫩。